Sete Falares arranca baixo teito a súa edición máis extensa
Por Redacción & Mónica Patxot
A choiva impediu, polo menos durante esta primeira fin de semana, que o certame de narradores Sete Falares puidese regresar ás rúas de Pontevedra. As catro primeiras sesións trasladáronse ao interior do Teatro Principal.
Unha sesión dedicada ao público infantil, a cargo dos organizadores do festival -Pavís Pavós-, foi a encargada de inaugurar esta edición ampliada de Sete Falares, que se celebrará na cidade ata o próximo 27 de xuño.
A xornada inaugural contou ademais coa participación da narradora Paula Carballeira.
Debido ao cambio de escenario ao Teatro Principal, tívose que restrinxir a asistencia do público. O aforo, en cumprimento das medidas sanitarias vixentes foi de 94 persoas.
Baixo teito celebraranse tamén as outras dúas sesións programadas para esta fin de semana, que protagonizarán Celso Fernández Sanmartín (sábado, 21:00 horas) e a parella formada por Marta Ortiz e Sofía Espiñeira (domingo, 21:00 horas).
Relacionadas:
-
O festival de narradores Sete Falares celebra en Santa Clara a súa décima edición
Por Manu Otero |
-
Sete Falares encara a súa recta final
Por Redacción & Cristina Saiz |
-
As historias de vida de moitas mulleres resoan no Sete Falares
Por Redacción & Cristina Saiz |
-
Narradores de Galicia, Salamanca, Portugal e Latinoamérica no regreso ampliado de Sete Falares
Por Redacción |
-
Pontevedra presumirá do 'son da rúa' nunhas Festas de Verán que arrancarán xa en xuño
Por Alejandro Espiño & Mónica Patxot |