Nee Barros, Pitt Muffin e Joao Tomba pechan este luns 2 o ciclo 'Acústica na Parda'
Por Cristina Saiz & Redacción
Creada e actualizada
Creada e actualizada
Ás 20.00 horas deste luns 2 de agosto comezarán os concertos programados para finalizar o ciclo 'Acústica na Parda' dentro das actividades do Son do Verán do Concello de Pontevedra para promocionar a artistas locais. As actuacións son de libre acceso coa adopción das medidas sanitarias.
Nee Barros abrirá a xornada cun recital/concerto. é un artista que toca diferentes fórmulas expresivas desde a música ao teatro, a fotografía ou a poesía. Ten dous libros publicados cos títulos '19 poemas para um VÍRUS-19' e 'Identidade. A normalidade do non-común'.
Tras a súa actuación, ás 21.30 horas, Pitt Muffin ofrecerá versións de temas da era punk e post-punk en formato acústico e en solitario.
Por último, o ciclo conclúe con Joao Tomba, ás 22.45 horas, con novos temas do seu último disco. Tras este seudónimo está o artista Indy Tumbita para ofrecer recitais coa compaña dunha guitarra e un radiocassette para revisitar aos Rolling Stones e a bandas de rock españolas como os Burning.
Durante a xornada do sábado, o público resistía a baixada de temperaturas durante a noite para ver os concertos ao aire libre da cantautora pontevedresa Palito, do solista Corbi e de Miríada, que ofreceu a súa variedade de estilos musicais.
*** Os concertos cambiaron de día polas inclemencias do tempo, xa que inicialmente estaban previstos para este domingo 1 de agosto. O Concello de Pontevedra avisaba do cambio ás 17.00 horas do domingo anunciando que se trasladan para a xornada do luns 2, xa que a predición meteorolóxico é boa, tras chegar a acordo cos artistas participantes para o cambio de data.
Relacionadas:
-
Espectáculo, música e cine pechan a programación do Son do Verán en Monte Porreiro
Por Redacción |
-
Pol Granch, Café Quijano, Susana Seivane, Piedrahita, Sabela e Los Brincos, estrelas das Festas
Por Redacción |
-
‘Acústica na Parda’ e o ‘Cine e Estrelas’, novas citas de lecer na cidade
Por Redacción |