Saen á venda as entradas para as vindeiras citas musicais no Pazo da Cultura
Por Oskar Viéitez
O Concello de Pontevedra informa que xa saíron á venda as entradas para as vindeiras citas musicais no Pazo da Cultura.
Este auditorio acollerá o sábado 16 de outubro ás 21:00 horas o concerto de Silvia Pérez Cruz xunto á súa Farsa Circus Band dentro do Ciclo Voices. As entradas, a partir de 20 euros máis gastos están á venda desde esta mañá en Ataquilla.com
Na programación das Matinés actuará a banda belga Balthazar, o sábado 30 de outubro ás 12.30 horas e Maika Makovski o sábado 4 de decembro tamén ás 12.30 horas.
As entradas para os concertos do ciclo Matinés, que terá lugar de xeito excepcional no Pazo da Cultura, contan con prezos entre 16 e 18 euros, descontos do 50% para menores de 14 anos e un abono para ambas citas a un prezo de 32 euros máis gastos e están á venda desde este martes na plataforma de Ataquilla.com
Relacionadas:
-
A Maika Makovski máis rockeira pecha o ciclo musical As Matinés no Pazo da Cultura
Por Redacción & Cristina Saiz |
-
Os ritmos de Balthazar animan a volta de 'As Matinés'
Por Redacción & Cristina Saiz |
-
Volven as Matinés con Balthazar e Maika Makovski, pero no Pazo da Cultura
Por Oskar Viéitez |
-
Pontevedra presenta o seu "telescopio cultural" cunha programación "de luxo" ata final de ano
Por Alejandro Espiño |