Ortiga actuará na Sala Karma o 17 de decembro
Por Alejandro Espiño
A Sala Karma será un dos escenarios nos que se deterá a xira Momentos Alhambra, que incluirá concertos de grandes músicos nacionais en seis cidades españolas. No caso de Pontevedra, o artista elixido será Ortiga.
Ortiga, unha das grandes referencias da música electrónica en Galicia, actuará na Sala Karma o venres 17 de decembro, segundo anunciaron os organizadores do ciclo.
O público pontevedrés poderá gozar da peculiar aposta musical do artista santiagués, que arrasa en festivais coa súa fusión de sons electrónicos e a verbena clásica galega.
O concerto celebrarase cumprindo en todo momento coas medidas e protocolos de seguridade establecidos polas autoridades sanitarias para previr a covid-19.
As entradas poñeranse á venda proximamente a través da plataforma wegow.com.
Relacionadas:
-
Ortiga apraza ao 5 de febreiro o seu concerto na Sala Karma
Por Alejandro Espiño |
-
L.A., Rufus T Firefly, Grande Amore, Los Bengala ou Bigott 'fichan' por Sala Karma
Por Alejandro Espiño |
-
Arantxa Treus e a banda viguesa Kings of the Beach, dobre oferta da Sala Karma
Por Alejandro Espiño |
-
Reabre a Sala Karma tras 522 días pechada pola pandemia: "Tiñamos moitas ganas de volver"
Por Alejandro Espiño & Mónica Patxot |