As gaitas son as protaganistas da nova exposición do Museo
Por Redacción
O Museo de Pontevedra acollerá dende este xoves e ata o 28 de novembro a exposición ‘Gaiteiraos’, unha mostra que pretende reivindicar as figuras da gaita como exemplo do patrimonio inmaterial de Galicia.
No claustro do Edificio Sarmiento recolleranse 35 debuxos de recoñecidas gaiteiras e gaiteiros de Galicia a través da historia, realizados polo autor César Lombera: Avelino Cachafeiro, Ricardo Portela, Susana Seivane, Carlos Núñez, Cristina Pato, Os Trinta de Trives, o gaiteiro de Guillarei e os de Soutelo, son algunhas das persoas representadas nos gravados reunidos nesta mostra, que abrirá ao público logo do acto de inauguración que terá lugar o día 30 de setembro, ás 20 horas.
O capitel de Melide, unha peza do século XIV pertencente á colección deste museo, complementa esta proposta expositiva dado que representa nunha das súas faces unha escena musical que inclúe un laúde e unha gaita.
Na mostra, ademais, poden coñecerse explicacións sobre a orixe da gaita e a súa área de expansión que subliñan que as investigacións sobre o tema coinciden en fixar os inicios nas primitivas frautas, ás que se lles engadía un odre ou fol para aliviar o esforzo pulmonar das e dos intérpretes e conseguir a continuidade do son. Coa chegada da polifonía adaptáronse ao fol uns roncos que producían notas pedais, chegando así o instrumento á actualidade.
Relacionadas:
-
Carlos Núñez analizará en Pontevedra a relación entre a muiñeira e o trap
Por Redacción |
-
Xa se pode percorrer a historia da gaita da man dos debuxos de César Lombera
Por Redacción |
-
A nova Colección Medal, de poesía feita por mulleres, comeza co libro 'Violetas no asfalto' de Lucía Novas
Por Redacción |
-
Dez pezas singulares do Museo, a través dunha ollada infantil
Por Redacción |
-
Un curso no Edificio Castelao repasará a influencia da moda no universo artístico
Por Redacción |