A influencia dos 70 marca o primeiro disco de Blue Merrow, unha banda con raíces marinenses
Por Redacción
Nace unha nova banda con raíces marinenses. Trátase de Blue Merrow, un grupo que leva xa dous anos traballando, ensaiando e compoñendo o que é o seu primeiro disco, que foi presentado este sábado na Alameda de Marín.
No acto estiveron Damián Garrido (letrista, vocalista e percusionista), Ángel Olañeta (guitarra solista), que son a representación marinense da formación, e Ángel Vejo (teclista e organista), Diego Hernán Ruiz (baixo) e Alberto Cid (batería). Acompañounos a concelleira de Cultura, Beatriz Rodríguez.
Segundo explicaron os integrantes do grupo, o CD ten influencia de bandas dos 70 como Camel e Purple, e é o resultado "da posta en común dun estilo e dunha intención concreta", xa que despois de pasar por outras formacións, foi desta vez cando atoparon as pezas para formar o que tiñan na cabeza.
O CD xa está dispoñible na tenda Elepé de Vigo e próximamente estará en Tropa de K, en Marín. A intención de Blue Merrow é sacar algunhas copias en vinilo para os amantes deste formato. Tamén pode escoitarse en dixital en todas as plataformas.
"O que nós facemos é tratar de que a xente de Marín coñeza aos grupos que nacen e se desenvolven aquí e sobre todo tamén incentivar que máis xente se anime a levar adiante iniciativas coma esta", explicou a concelleira durante a presentación do disco da banda.
O primeiro concerto de Blue Merrow será o 24 de marzo na sala La Iguana e xa teñen varias datas pechadas en distintos puntos de Galicia para os próximos meses.
Ademais, Marín será unha parada obligatoria para o grupo no verán, aproveitando a gran oferta cultural que ofrece a vila.