'Orixes' recolle no Mosteiro de Poio trinta pezas da Escola de Cantería
Por Redacción
A colección formada por trinta pezas creadas por profesionais da pedra formados na Escola de Cantería de Poio, que leva por título 'Orixes', era inaugurada este sábado 5 de febreiro no Mosteiro de Poio.
Precisamente a Escola de Cantería comezou a súa traxectoria no templo de San Xoán e ao longo da mostra pódense ver traballos creativos, recollidos por integrantes da Asociación de Canteiros de Poio, que colabora na organización da exposición en colaboración co persoal do Mosteiro. A proposta presenta obras dunha ducia de artesáns da pedra con pezas de calidade artística, despois de formarse na Escola que depende da Deputación de Pontevedra..
Á inauguración acudía o alcalde Luciano Sobral; a concelleira de Cultura, Raquel Rodríguez, e outros representantes da corporación municipal, ademais de membros de diversos colectivos locais.
Esta mostra permanecerá aberta ao público ata o 23 de abril e poderá visitarse de luns a sábado, en horario de 10.00 a 13.00 horas e de 16.00 a 18.00 horas.
Relacionadas:
-
RADIO.- A Asociación de Canteiros reclama conversar coa Consellería de Educación sobre o futuro da Escola de Poio
Por Redacción |
-
Unha exposición no Mosteiro de San Xoán homenaxeará a cantería de Poio
Por Redacción |
-
370.000 euros para impermeabilizar a Escola de Cantería
Por Redacción |
-
A Deputación pide á Xunta que inicie o proceso para que Cantería entre no Catálogo Nacional de Cualificacións
Por Natalia Puga |
-
RADIO.- Un novo grao técnico de pedra natural pode poñer en xaque á Escola de Canteiros
Por Redacción |