Anuladas pola guerra as xiras de ballet da 'Bela durminte' e 'O lago dos cisnes' en Afundación
Por Oskar Viéitez
A consecuencia da traxedia que se está vivindo no leste europeo, os eventos de ballet da Bela durminte (no mes de marzo) e O lago dos cisnes (no mes de maio), na Sede de Afundación de Pontevedra quedan cancelados, ao igual que as actuacións no Teatro Afundación Vigo e mais o Auditorio Abanca de Santiago de Compostela.
En todos os casos, Ataquilla procederá á devolución do importe correspondente.
A compañía "The Russian State Ballet" de Vyacheslav Mikhailovich Gordeev era a encargada de presentar A Bela durminte escenificado e reeditado polo mesmo director artístico da compañía, o Artista Popular da URSS Vyacheslav Mikahilovich Gordeev.
O Ballet de Moscova levaba a escena outra das obras máis emblemáticas do repertorio clásico de ballet, "O Lago dos Cisnes". Esta compañía estaba celebrando os seus máis de 30 anos sobre os escenarios de todo o mundo.
Relacionadas:
-
A Casa de Cultura de Cuntis recolle artigos de primeira necesidade para o pobo ucraíno
Por Redacción |
-
A corporación municipal abordará a condena á invasión rusa a Ucraína
Por Redacción |
-
A guerra en Ucraína deixa no aire a presenza de deportistas rusos nos mundiais de loita de Pontevedra
Por Manu Otero |
-
A área sanitaria de Pontevedra dispón de 50 camas, 10 delas pediátricas, para refuxiados ucraínos
Por Redacción |