Semana de 'Libros voadores' na Casa da Cultura
Por Redacción
O Concello de Ponte Caldelas aproveitando a festividade do Día do Libro do 23 de abril realizará unha segunda edición da proposta cultural 'Libros voadores' ao longo dos próximos días.
A Casa da Cultura acollerá durante estas xornadas títulos que se atopen descatalogados da Biblioteca Municipal ou tamén exemplares que foron doados por persoas particulares e que xa non teñen cabida nos andeis da Biblioteca. Entre o material exposto atópanse, entre outros, libros infantís, novelas e ensaios.
Estes libros atoparanse ao dispor da veciñanza entre este luns 25 e o venres 29 de abril. Cada persoa interesada que acuda ata a Casa da Cultura na Rúa Emigrante terá a posibilidade de levar, de maneira gratuíta un máximo de dúas obras entre o material exposto.
A iniciativa ten como obxectivo fomentar a lectura entre a poboación e celebrar a conmemoración do Día do Libro