Dez compañías devolverán a animación festiva ás rúas de Pontevedra con Itineranta
Por Alejandro Espiño
As principais rúas e prazas do centro histórico de Pontevedra volverán converterse durante o mes de agosto en escenario dunha continua animación festiva. Será da man das dez compañías que participarán este ano nunha nova edición do festival Itineranta.
Tras estar limitado pola pandemia, este Festival Internacional de Animación de Rúa de Pontevedra retomará o seu formato habitual para a que será a súa undécima edición, que se desenvolverá entre os días 3 e 5 de agosto.
Serán, por tanto, tres días nos que os espectáculos que presentarán as diversas compañías que participarán, chegadas de Galicia, Andalucía, Castela e León, Madrid, Comunidade Valenciana, Euskadi e Cataluña, farán as delicias do público máis familiar.
A programación de Itineranta será a seguinte:
Mércores 3
Troula Animación: O estraño caso do dentista...
Cía Sin Fin: Los Piratas
Yera Teatro: Meninas
Animarts: Damonion
Xoves 4
Zanguango Teatro: Al otro lado
Ale Hop: The Clownpany
La Fam: MotorPunk
Hortzmuga Teatroe & Deabru Beltzk: Senta
Venres 5
Nacho Villas & Yllana: Glubs
Sound de Secá: Sabor
Ale Hop: Voluminaires futuristic freaks
La Fan: Aquiles
Todos os espectáculos percorrerán os espazos previstos, de maneira itinerante, a partir das oito da tarde.
Relacionadas:
-
Un Aquiles xigante, seres estraños, mariñeiros desorientados e o son da batucada percorren en centro histórico
Por Cristina Saiz & Oskar Viéitez |
-
Chegou a revolución artística de Itineranta ás rúas de Pontevedra
Por Cristina Saiz & Oskar Viéitez |
-
Maruxa Miguéns e Xosé Romero, os homenaxeados nun Memorial Ricardo Portela que recupera o seu formato
Por Alejandro Espiño |
-
O humor nas Festas de Verán, con Luis Zahera, David Amor, Carlos Blanco, Touriñán e Marta Doviro
Por Alejandro Espiño |
-
Ida Nielsen, Samantha Fish e Andrea Motis nun Festival de Jazz con marcado acento feminino
Por Alejandro Espiño |
-
Con Voz de Muller volve a Pontevedra con Guadi Galego, De Vacas, Ginebras e a afroportuguesa Pongo
Por Alejandro Espiño |
-
Ladilla Rusa, Marc Seguí, Son da Rúa e Dios Ke Te Crew levarán a música urbana a Monte Porreiro
Por Alejandro Espiño |
-
Unhas Festas de Verán nas que "non haberá parada" en Pontevedra
Por Alejandro Espiño |