Estrean no Mercado a exposición 'Obras Galegas Premiadas na XV Bienal Española de Arquitectura e Urbanismo'
Por Redacción
A Delegación de Pontevedra do Colexio de Arquitectos de Galicia (COAG) conmemora o Día Mundial da Arquitectura cunha serie de actos e baixo o lema "Arquitectura para o benestar".
No marco destas actividades este luns inaugurouse na primeira planta do Mercado de Abastos a exposición 'Obras Galegas Premiadas na XV Bienal Española de Arquitectura e Urbanismo".
Poderá visitarse ata o día 3 de novembro.
Organizada polo COAG, na última Bienal seleccionáronse 70 traballos de entre todos os presentados, dos cales 14 eran de arquitectos galegos. Resultaron finalmente premiadas cinco obras galegas que se poderán ver na exposición.
Á inauguración da mostra asistiron entre outros o presidente da Delegación de Pontevedra do COAG, Anselmo Villanueva, e os concelleiros Yoya Blanco, Iván Puentes e Xoaquín Moreda.