A Deputación conmemora o centenario do nacemento de Mariví Villaverde
Por Redacción
A Deputación vai conmemorar o centenario do nacemento de Mariví Villaverde, escritora vilagarciá e referente da recuperación da memoria histórica do exilio, coa reedición do seu libro 'Tres tempos e a esperanza' e estrea dunha peza audiovisual sobre a súa traxectoria.
A efeméride celébrase este 22 de novembro, mais o acto de presentación da publicación e da curta documental será o venres 2 de decembro ás seis da tarde no Pazo Provincial en Pontevedra.
Con esta xornada de homenaxe, o departamento de Memoria Histórica que dirixe María Ortega pretende poñer luz sobre "unha figura central no coñecemento dos anos da represión no exilio".
O departamento de Memoria Histórica apostou por encomendar o traballo a Coral e Laura Piñeiro, da asociación Memoria e Cinema, responsable da cinta ‘Dores’, e unha narrativa distinta para intentar achegar a Mariví ao público de menor idade, máis afastado aínda que a poboación adulta do legado da memoria.
Relacionadas:
-
Cen anos de Mariví Villaverde: "Co seu exemplo, seguiremos avanzando en verdade, xustiza e reparación para as vítimas do franquismo"
Por Redacción |
-
Mariví Villaverde dará nome a un premio de memoria histórica en Pontevedra
Por Redacción |
-
Aitor Esteban, Olalla Rodil e Joan Tardá, protagonistas nas xornadas de memoria histórica da Deputación
Por Redacción |
-
A Deputación inaugura as Xornadas Contra a Impunidade poñendo luz na sociedade que querían construír as vítimas do Franquismo
Por Redacción |