Chega 'Guerrilla', o festival que trae a Pontevedra a cultura máis comprometida coas loitas sociais
Por Redacción
Durante os días 1, 2, 3 e 4 de decembro Pontevedra vai encherse de cultura reivindicativa.
Nesta segunda edición do 'Guerrilla' os eixos temáticos principais das xornadas serán a educación durante o franquismo, a censura musical na dictadura e a loita do pobo saharauí.
En cada unha das xornadas haberá un faladoiro para conversar e reflexionar sobre estes temas con persoas expertas e un espectáculo comprometido de peche.
Por esta segunda edición de Guerrilla pasarán espectáculos como "Encerrona" de Pepe Viyuela, "Grándola de mi querer" de Luís Pastor, ou a obra teatral "As Alumnas".
Ademais, o domingo haberá unha gala de peche a prol do pobo saharauí onde estarán artistas como Uxía Senlle, Yslem Hijo del Desierto, Dakidarría ou Isabel Risco.
Guerrilla é unha iniciativa impulsada polo Concello de Pontevedra e Culturactiva Sociedade Cooperativa Galega que ten o obxectivo de pór en valor as loitas sociais e culturais históricas que se artellaron no noso país e demostrar que non están mortas. "Guerrilla é o vivo exemplo de que dende todos os recunchos de Galicia e do resto do mundo estanse a facer pequenas accións culturais para construir unha sociedade xusta para todos e todas".
Relacionadas:
-
Achegamento á loita saharauí para conmemorar o 50 aniversario do Fronte Polisario
Por Almu Dapena & Cristina Saiz |
-
RADIO.- Pepe Viyuela trae este sábado a Pontevedra ao clown e ao actor reivindicativo e activista
Por Marisa Ciordia |
-
A 'Guerrilla' cultural regresa a Pontevedra con catro días de compromiso e revolución
Por Alejandro Espiño |