Furious Monkey House presenta 'In the void' o próximo 19 de xaneiro
Por Oskar Viéitez
Furious Monkey House, o grupo de indie rock de Pontevedra, publica o vindeiro xoves 19 de xaneiro 'In the void', primeiro adianto do seu novo e terceiro álbum de estudo: 'Oneiric', á venda o 17 de marzo a través de Esmerarte Industrias Creativas.
Este primeiro sinxelo chega acompañado dun vídeo oficial.
'In the Void' supón o primeiro material da banda estreado desde o seu último single, Voodoo Generation (2021). Este novo sinxelo trata da evasión do mundo real e da necesidade de ir máis aló.
En palabras da cantante e guitarrista da banda, Marinha Paz "ás veces a vida é moi abafadora e difícil de manexar, así que preferimos evitar vivila a enfrontarnos a ela cara a cara".
A banda toma texturas máis densas e escuras, cargadas de samples, sintetizadores e reverb, complementadas cunhas melodías pegadizas, ás veces enérxicas e outras desesperadas.
Furious Monkey son Marinha Paz (Voz), Carlota Montoya (Batería), Diego Flores (Guitarra), Irene Teijeira (Guitarra), Amaya Blanco (Teclados e sintetizadores) e Gonzalo Maceira (Baixo, guitarra).
Relacionadas:
-
Furious Monkey House estrea 'Oneiric', o seu terceiro álbum de estudo
Por Redacción |
-
Segunda 'pílula' do novo disco de Furious Monkey House, a banda pontevedra estrea a canción "Mesmerism"
-
Así soa "In the void", o adianto do disco máis escuro e maduro de Furious Monkey House
Por Alejandro Espiño |
-
Furious Monkey House e Cora Velasco, nun O Son do Camiño con The Chemical Brothers ou Liam Gallagher como estrelas
Por Alejandro Espiño |
-
Berto e Mariña Paz unen as súas voces en "O teu mandil ", o seu primeiro tema xuntos
Por Alejandro Espiño |
-
Baiuca, Cora Velasco e Furious Monkey House pechan con ritmo o festival Que non pare a música!
Por Cristina Saiz & Redacción |