Os 'Mundos Inmóviles Derrumbándose' de Nacho Vegas conquistan o Pazo da Cultura
Por Redacción & Mónica Patxot
O Pazo da Cultura de Pontevedra viviu este venres o seu primeiro gran concerto do ano, co espectáculo ofrecido por Nacho Vegas dentro do Ciclo Voices.
O público que rozaba o cheo no auditorio pontevedrés puido gozar do cantautor asturiano, con máis de dúas décadas de traxectoria que lle levaron a ser toda unha referencia no panorama nacional.
Nacho Vegas presentaba en Pontevedra o seu último traballo, titulado 'Mundos inmóviles derrumbándose', un disco que segundo a promoción do propio concerto, xorde non como un álbum de madurez, senón como un álbum de plenitude porque conta con todos os elemtos que fixeron importante o músico, como son "a pluma afiada, a introspección, a aguerrida crítica social, o íntimo e confesional, e esas melodías que se instalan no oínte desde a primeira escoita".
Cunha nova banda ao seu lado, o cantautor conectou co público desde a súa música sincera e apoiada na realidade social ao longo de 17 temas, comezando con 'Belart' e finalizando coa canción 'Michi Panero', todo desde un estilo moi persoal que chegou ao longo de todos estes anos a varias xeracións.
O Ciclo Voices ten pendente aínda para este ano 2023 o concerto do músico italiano Mahmood, aprazado o pasado ano a pedimento do artista e posposto a unha data aínda por confirmar.
Relacionadas:
-
O Ciclo Voices trae a Pontevedra o flamenco de Rocío Márquez e Bronquio
Por Redacción |
-
Manel pecha en Pontevedra a xira do disco 'Per la bona gent'
Por Redacción & Cristina Saiz |
-
Mahmood atrasa ata 2023 a súa cita co público pontevedrés
Por Alejandro Espiño |
-
Nacho Vegas actuará no Pazo da Cultura o venres 27 de xaneiro
Por Redacción |