O Teucro mantén o ritmo (26-22)
Por Redacción & Cristina Saiz
A Sociedade Deportiva Teucro segue nun momento doce tras impoñerse por 26-22 ao Lalín. O conxunto pontevedrés, comandado por Eloy Krook (8 goles), logrou anular o ataque do rival e mesmo chegou a establecer unha diferenza de sete goles no segundo tempo.
Comezou o encontro igualado, cunha repartición de golpes en ambas as porterías que se traducía nun empate a nove goles no ecuador do segundo tempo. O cadro de Irene Vilaboa tentaba poñer terra polo medio, pero o Lalín impedíao respondendo da mesma maneira.
Emerxeu entón a figura de Eloy Krook, Caue Herrera e Carmelo Gómez na ofensiva teucrista para provocar o primeiro punto de inflexión e estirar o marcador a favor do seu equipo para establecer unha vantaxe cómoda de cinco goles que o Lalín reduciu a catro ao descanso (16-12).
Despois do paso polos vestiarios o Teucro seguiu ao seu e aumentou a renda en sete tantos, os visitantes tentaron manterse na pelexa, pero o conxunto lerezano non estaba disposto a baixar o ritmo e deixou o encontro visto para sentenza.
O Lalín seguiuno tentando ata o final pero só puido maquillar o resultado co que concluíu o derbi (26-22).
Consulta as estatísticas nesta ligazón
Relacionadas:
-
Triunfo na Cañiza dun Teucro que quere o segundo posto (30-35)
Por Redacción |
-
Sufrido triunfo do Teucro fronte o Reconquista de Vigo (30-27)
Por Almu Dapena & Cristina Saiz |
-
Cisne e Teucro, a exame ante Alcobendas e Reconquista de Vigo
Por Redacción |
-
Duro correctivo do Oar Coruña ao Teucro (30-24)
Por Redacción |
-
O Teucro invoca ao regreso da 'Marea Azul' para acompañar o equipo na Coruña
Por Diego Espiño |
-
O Teucro sorprende o líder Lanzarote cun gol case sobre a bucina (31-31)
Por Redacción |
-
Un Teucro con moito 'Ingenio' (34-31)
Por Redacción & Cristina Saiz |
-
Folgada vitoria do Teucro ante o Tejina para seguir a un ritmo imparable (19-26)
Por Redacción |