![](/web/cache/scene/uploads/fotos/foto/578/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/65f826dd70-medalla-plata-juancho.jpeg)
© Club Galaico Sincro
Juan David Hernández e Daniela Suárez fan historia para o Galaico Sincro cunha dobre medalla no Campionato de España
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/52f/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/65f826ac93-medalla-bronce-daniela.jpeg)
© Club Galaico Sincro
Tardará moito tempo o Galaico Sincro en esquecer o Campionato de España de Natación Artística Júnior e Sénior de Inverno celebrado en Valladolid, e é que os seus deportistas fixeron historia para a natación pontevedresa e galega.
Fixérono porque sumaron dúas medallas, unha de prata e outra de bronce, grazas a Juan David 'Juancho' Hernández e a Daniela Suárez.
O primeiro deles asinou un brillante subcampionato nacional sénior no solo libre masculino, superado soamente por Jordi Cáceres (CN Granollers).
Pero se ese resultado era bo, o bronce conseguido pola júnior Daniela Suárez nunha competición de gran nivel e compatencia (29 nadadoras), rompe outro teito para a natación artística galega.
Daniela finalizou o terceiro posto na cualificación do solo técnico feminino e repetiu posición na final, converténdose na primeira nadadora galega en subir ao podio nacional cunha rutina individual. A internacional do Galaico Sincro asinou unha puntuación de 202.8083 puntos, sendo soamente superada por Isabel Shuang (CN Mataró) e Rocío Calle (AD Sincro Retiro), ouro e prata respectivamente.
No Campionato de España de Inverno participou tamén Antía Riveiro, que xunto a Daniela Suárez asinou o posto 14 no dúo libre feminino.