O Teucro cae na final da Copa Deputación ante o Cangas (26-22)
Por Redacción
Digna final de Copa Deputación de Balonmán entre Cangas e Sociedad Deportiva Teucro no Gatañal como despedida da tempada oficial.
O conxunto local, o Cangas, levouse o triunfo (26-22) logo de dominar durante gran parte do encontro.
Os teucristas pola súa banda non lle perderon a cara ao choque e ata chegaron a poñer as táboas no electrónico tralo descanso.
Nese momento, os morracenses tiraron de galóns para abrir de novo brecha e asegurarse o título.
García Pichel, con 11 dos 22 tantos dos azuis, foi o xogador máis destacado en ataque do encontro.
BM CANGAS (26): Schmidl, Simes (1), Gallego, Serafín, Amarelle (6), Adrián Rosales (6), Soliño (3), Menduiña, Eijo, Pablo Iglesias (1), Cerqueira, Ángel Iglesias (3), Muratovic (4), Veloso (2), Salazar.
SD TEUCRO (22): Héctor Gil, Dorado (3), Carlos Pombo, Miguel Porto, Tomás Moreira (1), García Pichel (11), Álex Pombo (2), Costal (2), Armán (2), Borja Fernández (1), Sío, Iván Fernández, Cadilla.
Marcador cada cinco minutos: 1-1, 3-3, 5-3, 7-5, 9-7, 12-10, descanso, 12-12, 17-14, 18-16, 21-17, 23-19, 26-22.
Incidencias: Partido disputado no pavillón do Gatañal, Cangas.