A Gimnástica mentalízase para remontar tras a primeira xornada de División de Honra
Por Redacción
As baixas lastraron o equipo da Sociedad Gimnástica na primeira xornada da División de Honra de atletismo en Alcobendas.
Os pontevedreses finalizaron no terceiro posto do seu grupo con 159 puntos, por detrás de Marathon de Madrid (229,5), e Tenerife CajaCanarias (190,5) e superando ao Universidad de Oviedo (101 puntos).
Víctor Gallego en disco, Eduardo Suárez nos 800 metros, Víctor Riobó nos 1.500, Alberto Salcedo nos 100 metros lisos e Julián Ortiz nos 110 valos lograron os cinco triunfos parciais que se apuntou a Gimnástica.
O club lerezano, tras esta primeira xornada, sitúase no duodécimo lugar da clasificación provisional, polo que na segunda xornada, prevista para o próximo 7 de xuño, deberá remontar se quere meterse entre os oito primeiros para loitar polo título e lograr desa forma a permanencia pola vía rápida, sen esperar á xornada definitiva,
Na próxima cita a Gimnástica terá como rivais Fent Camí de Valencia, Unicaja Jaén e Vino Toro de León.