Adrián Gómez e Kevin Presa continuarán no Pontevedra un e dous anos máis, respectivamente
Por Redacción
Coa idea máis clara de onde xogará a próxima tempada, tras a decisión da RFEF de cobrar 200.000 euros pola praza do Puertollano en Segunda B e dar prioridade aos equipos manchegos, o Pontevedra segue dando paso para formar o equipo para a próxima tempada. Faino con dúas novas renovacións. O club confirmou que o defensa Adrián Gómez e o centrocampista Kevin Presa seguirán vestindo de granate.
Tras David Feito, que confirmou a súa renovación a través de Twitter, son xa tres os xogadores que aceptaron a oferta presentada polo club para continuar no Pontevedra. Adrián Gómez asinou contrato por un ano máis, mentres que o acordo con Kevin Presa é por dous.
No caso do defensa arxentino, será a súa terceira tempada en Pasarón. Chegou na 2012-2013 procedente do Villalonga. Dende entón, o seu concurso foi clave para o Pontevedra. Foi un dos futbolistas que disputou máis minutos este ano.
Pola súa banda, Kevin Presa, produtor da canteira granate, chegou ao primeiro equipo a pasada tempada. Alternou partidos en Terceira División e en Rexional Preferente co filial.
Espérase que haxa máis novidades con respecto ás renovacións, ofrecidas a un total de 14 xogadores, nas próximas horas.
Relacionadas:
-
Os dianteiros Benja e Luismi aceptan a oferta de renovación do Pontevedra e continuarán no club
Por Redacción |
-
Alberto Campillo e Adrián Mouriño fichan polo Pontevedra; Pablo González renova e David García é baixa
Por Alejandro Espiño |
-
Sergio Lloves, primeira fichaxe do Pontevedra 2014-2015; David Feito, renova o seu contrato co club
Por Redacción |
-
Caco, nova baixa nun Pontevedra que ofrece finalmente a renovación a 14 futbolistas
Por Alejandro Espiño |