Descontento no Leis pola composición do seu grupo na Segunda División feminina
Por Redacción
Uns 13.000 quilómetros. ÿ a distancia que, segundo o Leis, terá que percorrer o seu equipo feminino na próxima tempada en Segunda División. "Un duro golpe", sinalan. E todo porque a Federación Española de Fútbol decidiu que os equipos galegos formen parte do grupo IV da categoría, xunto ás escuadras madrileñas, castelán leonesas e castelán manchegas.
O grupo IV da Segunda División estará composto por trece equipos. O Leis lamenta ter que volver disputar a competición no grupo máis complicado da categoría.
A única boa noticia para os intereses pontevedreses é que o Comité decidiu agrupar a todos os galegos no mesmo grupo, "cousa lóxica e que se viña demandando de tempadas atrás", destaca a directiva do club.
O Leis Pontevedra, xunto cos outros dous conxuntos galegos, Fisober e Valdetires Ferrol, competirán con seis equipos madrileños (Soto del Real, Leganés, Futsi Navalcarnero B, Simancas, Alcorcón B e Humanes), tres manchegos (Chiloeches, Alovera e Amora) e o Unami de Castela e León.
Relacionadas:
-
A dificultade de gañar un posto no Leis feminino
Por Redacción |
-
Soto del Real e Bembrive FS, primeiros rivais de liga para o Leis feminino e masculino respectivamente
Por Redacción |
-
A Segunda B masculina, a Segunda División feminina e apostar pola canteira, claves do Leis 2014-2015
Por Redacción |