Bruno e Paco marchan cedidos a Bertamiráns e Villalonga
Por Redacción
O Pontevedra Club de Fútbol cederá por unha tempada a dous dos xogadores que o pasado curso actuaban co filial. Trátase de Bruno Rivada e Paco Reigosa.
Bruno xogará ademais en Terceira División ante un dos rivais do equipo granate, o Bertamiráns, mentres Paco o fará en Preferente nas filas do Villalonga.
Segundo explica o club pontevedrés "o obxectivo é que continúen completando a súa formación como futbolistas para que regresen, no futuro, ao club granate".
Por outro lado a entidade lerezana cancelou dous dos encontros que tiña fixados durante a pretempada, o do próximo sábado 9 ante o Céltiga e o do mércores 20 de agosto ante o Estudiantil.
Como compensación o Pontevedra xogará este mesmo xoves no campo do Carrasco ante o Marcón Atlético (20:00 horas). O resto de encontros confirmados durante o mes de agosto son o do Ribadumia (10 de agosto no campo cambadés de Burgáns), Portonovo (15 de agosto en Baltar) e Xuventú Sanxenxo (17 de agosto en Baltar de Arriba).
Relacionadas:
-
Novo triunfo do Pontevedra na pretempada: goleada ao Marcón (1-7) no Carrasco
Por Alejandro Espiño & Diego Torrado |
-
Poio e Marcón, campos de adestramento para o primeiro equipo do Pontevedra
Por Diego Espiño |
-
O Pontevedra repite vitoria no Trofeo Vila de Marín ao impoñerse a Marín (2-0) e Coruxo (1-0)
Por Redacción |