Presentación oficial dun ano especial para o Waterpolo Galaico
Por Redacción & Diego Torrado
Coas competicións xa en marcha o Club Waterpolo Galaico decidiu presentar oficialmente os seus equipos nun acto celebrado no Teatro Principal.
O club pontevedrés faino nun ano especial, no que superou por primeira vez a cifra de 100 deportistas federados nas diferentes categorías.
Así o Waterpolo Galaico conta con sete equipos: dous equipos alevíns, un infantil, un cadete, absoluto feminino, absoluto mixto de 2ª División e o absoluto masculino de 1ª División.
A esta actividade súmanse as charlas de fomento do deporte en diferentes colexios da cidade, nos que estiveron presentes nos últimos meses.