10 de maio, nova cita coa BTTroita de Ponte Caldelas
Por Redacción
Técnicos municipais e responsables da empresa GlobalDxT ultiman xa os preparativos da II edición da ruta de bici de montaña BTTroita, que se celebrará en Ponte Caldelas o domingo 10 de maio. Nela, espérase superar a cifra do medio millar de participantes do pasado ano.
Os organizadores pretenden adaptar o circuíto ás necesidades e suxestións realizadas polos participantes na edición inaugural, para o cal se levarán a cabo labores de limpeza e acondicionamento de pistas, sinalización e levantamento topográfico dos tramos polos que discorrerá a segunda edición da BTTroita.
A ruta deseñada o pasado ano constou cun percorrido de dificultade física e técnica media, cunha distancia de 39 quilómetros, que podía acurtarse a 33 a través de distintas opcións que ofrecía a organización.
Nesta segunda edición, ao igual que sucedese na inaugural, está previsto que se habiliten zona de duchas, lavado de bicicletas, avituallamentos sólido/líquido e zona de aparcadoiro.
A celebración desta proba persegue fomentar o uso e desfrute da bicicleta de montaña e, ao igual que o pasado ano, estará aberta a todos os afeccionados a esta. A intención tanto do Concello de Ponte Caldelas coma da organización é que se poida gozar das marabillosas paraxes que ofrece o ámbito natural do municipio, nun ambiente deportivo e de compañeirismo.
Esta proba deportiva enmárcase dentro das actividades de promoción e desfrute da popular Festa da Troita que este ano terá lugar a fin de semana do 30 e 31 de maio en ponte Caldelas.
Relacionadas:
-
Exitosa segunda edición da Ruta BTTroita
Por Redacción |
-
Presentan a segunda edición da BTTroita, que se celebrará o domingo 10 de maio
Por Redacción |
-
Ponte Caldelas inicia os preparativos para a Festa da Troita
Por Redacción |
-
Ponte Caldelas goza coa primeira edición da BTTroita
Por Redacción |
-
A ruta do I BTTroita quedará sinalizada de xeito permanente
Por Diego Espiño |