San Patricio tamén se celebra no campo de rugby
Por Redacción
O bo ambiente presidiu durante a mañá deste sábado o Torneo Internacional de Rugby San Patricio, organizado polo Mareantes RCP.
A parte deportiva da celebración do club pontevedrés contou coa presenza dos xogadores británicos do Hallifax.
Ante eles o equipo masculino disputou un entretido encontro no que se mesturaron xogadores de ambos os dous conxuntos e que caeu do lado visitante por 15 a 22.
Antes o conxunto feminino, que volveu á competición esta tempada, gozou dun amigable ante o Zalaeta, club que recupera tamén á súa sección feminina de cara ao próximo curso.
O partido rematou cun resultado de 32-5 a favor do Mareantes.
Ao final de ambos os dous encontros xogadores e xogadoras difrutaron do terceiro tempo na carpa instalada na Praza de España.