O Teucro é de Asobal! A derrota do Sinfín en Vigo dálle o ascenso matemático
Por Redacción
Non é o xeito soñado polos afeccionados e moito menos polo equipo, pero o Teucro xa é, de xeito matemático, equipo da máxima categoría do balonmán nacional.
Un empate ante a Barcelona B no Municipal outorgaba este sábado o ascenso á Liga Asobal, pero o que os azuis non conseguiron pechar na pista lográrono na bancada, concretamente a do pavillón das travesas de vigo.
Caprichos do destino o histórico rival deportivo do Teucro, o Academia Octavio vigués, foi o encargado de darlle o ascenso os pontevedreses.
Fíxoo vencendo nun gran partido ao Go Fit Sinfín (29-25) que deixa sen opcións ao conxunto cántabro de alcanzar o primeiro posto que ocupan os pontevedreses a falta de dúas xornadas para o final da liga regular.
Este resultado deixa o Teucro no liderado con 48 puntos, cinco de vantaxe sobre o Sinfín cando só quedan catro en xogo.
Deste xeito os de Quique Domínguez poñen o broche de ouro a unha tempada na que, ata o momento, só perderon catro partidos, dominando a competición dende o inicio de liga.
O equipo celebrará a vitoria con todos os afeccionados a partir das 20.00 horas deste domingo na praza do Teucro, no centro histórico.
Relacionadas:
-
O Teucro recibe o trofeo de campión da División de Honra Prata
Por Diego Espiño & Daniel Santomé |
-
Meritorio empate en Alcobendas (25-25) dun Teucro que non cede nin co título no peto
Por Redacción |
-
O Teucro baixa á terra para afrontar un difícil desprazamento a Alcobendas
Por Diego Espiño |
-
Na busca de 100.000 euros para poder competir en Asobal
Por Diego Espiño |
-
A 'marea azul' inunda Pontevedra para festexar o regreso do Teucro á liga Asobal
Por Alejandro Espiño & Diego Torrado |
-
O ceo pode esperar: ao Teucro pésalle a responsabilidade e cede ante o Barcelona B (32-34)
Por Ramiro Espiño & Diego Torrado |