O Teucro apostará pola continuidade no seu regreso a Asobal
Por Diego Espiño
O primeiro plantel do Teucro está xa de vacacións tras despedirse este xoves dos adestramentos coa satisfacción do deber cumprido, pero non todos no club azul descansarán nos próximos días.
A despedida produciuse con bo ambiente pero tamén cun punto agridoce, cando o técnico Quique Domínguez anunciou que non todos os xogadores continuarán no equipo a próxima tempada.
"La gran mayoría esperamos que sigan pero algún cambio hay que hacer para competir a buen nivel en Asobal", explica Domínguez, que xunto ao presidente Carlos García-Alén comezará a reunirse o luns cos integrantes do plantel.
Quique Domínguez: "El corazón me pedía que siguiesen todos pero la cabeza me dice que hay que mejorar algunas cosas"
O adestrador pontevedrés recoñece que "el corazón me pedía que siguiesen todos pero la cabeza me dice que hay que mejorar algunas cosas".
Malia iso a idea e filosofía que o club seguiu estes anos manterase: "No nos vamos a volver locos y vamos a mantener la idea. El perfil de jugador que buscaremos es joven, nacional y si puede ser gallego", defende Quique Domínguez.
O contrapunto pode ser algún xogador veterano "que aporte esa experiencia necesaria" como esta tempada foi o caso de Dani Hernández. Todo iso sendo conscientes do limitado do presuposto co que contará o club e coa intención de pechar o plantel o antes posible e "si puede ser en 15 días mejor".
Nos plans do técnico teucrista encóntrase confeccionar un equipo de 16 xogadores e completar os adestramentos con algún integrante do filial ou de categorías inferiores.
A falta de concretar a planificación da tempada, os adestramentos pensando no debut na Liga Asobal comezarán durante a última semana do mes de xullo.
Relacionadas:
-
Teucro e Cangas, fóra de ASOBAL?
Por Alejandro Espiño | Creada e actualizada
-
O Teucro recibe o trofeo de campión da División de Honra Prata
Por Diego Espiño & Daniel Santomé |
-
O alcalde involúcrase na busca dun patrocinador para o Teucro
Por Diego Espiño |
-
O Teucro despide a liga do ascenso cun triste empate (29-29) ante Palma del Río
Por Ramiro Espiño & Diego Torrado |
-
Na busca de 100.000 euros para poder competir en Asobal
Por Diego Espiño |
-
A 'marea azul' inunda Pontevedra para festexar o regreso do Teucro á liga Asobal
Por Alejandro Espiño & Diego Torrado |