Emoción, goles e bo xogo na primeira xornada do XVII Torneo Internacional de Fútbol-7 Benxamín
Por Ramiro Espiño & Diego Torrado
Un ano máis os campos da Xunqueira albergan o Torneo Internacional de Fútbol-7 Benxamín "Cidade de Pontevedra" que organiza de forma exemplar a EF Portero 2000, cun total de 20 equipos participantes e que ao longo deste sábado disputou a súa primeira xornada, en sesións de mañá e tarde.
FC Porto, que defende título, xunto con SL Benfica, FC Barcelona, Athletic Club, Luceafarul Cluj (Romanía), Sporting de Gijón, Sporting Braga, RC Celta, RC Deportivo, Valladolid, CD Lugo, teñen como rivais a outros equipos máis modestos pero igualmente animosos como AJ Lérez, Coruxo, ED Arousa, Salgueiriños, Xuventude Oroso, Atlético Cuntis, Pavillón, EF Portero 2000 e Santa Mariña.
Os primeiros partidos serviron para empezar a perfilar posibles candidatos ao triunfo final, destacando os conxuntos que presentan o Athletic Club de Bilbao, FC Barcelona, RC Celta, RC Deportivo, Valladolid e Benfica, ademais do vixente campión, o FC Porto, cun equipo menos experimentado que en edicións anteriores, pero sempre competitivo.
O ambiente ao longo de toda a xornada foi excelente, con centenares de afeccionados que gozaron coas evolucións dos pequenos xogadores, os cales deixaron detalles de gran calidade.
Para a matinal do domingo quedan os partidos que decidirán a clasificación, coa gran final prevista para as 13:45 horas.
Relacionadas:
-
O Arosa suspende o seu torneo internacional de fútbol base pola pandemia
Por Redacción |
-
Vilarreal, principal novidade no cartel do XVIII Torneo Internacional de Fútbol 7 Benxamín Cidade de Pontevedra
Por Ramiro Espiño |
-
O Barcelona rompe o dominio luso ao derrotar o Benfica no "XVII Torneo Internacional de Fútbol-7 Benxamín"
Por Ramiro Espiño & Diego Torrado |
-
Cartel de luxo para o XVII Torneo Internacional de Fútbol 7 Benxamín Cidade de Pontevedra
Por Diego Espiño |
-
Sete equipos clasifícanse para a fase final do Torneo Internacional de Fútbol-7 Benxamín
Por Daniel Santomé |