Sen fortuna para os atletas da Gimnástica no Campionato de España Xuvenil
Por Redacción
Acudían á cita con poucas posibilidades de medalla e non puideron dar a sorpresa.
Os dous atletas da Sociedad Gimnástica que acudiron a Ciudad Real ao Campionato de España Xuvenil de Atletismo volvéronse de baleiro.
Aínda que houbo algunha opción de entrar na final, os dous quedaron elminados na semifinal. Foron Ángel Vargas e Andrea Pais.
Vargas competiu en dúas probas, os 100 e os 200 metros, sendo esta última na que destacou ao pasar a primeira elminatoria por postos cun tempo de 22.88, pero nas semifinais non foi quen de mellorar o seu tempo e lograr un 22.60 que o tivese clasificado.
Pola súa banda Andrea Pais non puido baixar dos 13 segundos nas eliminatorias de 100 metros feminino (13.17) e quedou fóra da rolda final.
Malia todo a experiencia vivida en Ciudad Real é moi valiosa para os novos atletas pontevedreses de cara a futuras competicións.