Lúa Piñeiro, Katya Calvar e Uxía Ogea soben ao podio no Open de Bélxica de taekwondo
Por Redacción
Bo papel do taekwondo pontevedrés no Open de Bélxica celebrado durante a fin de semana en Bruxelas. Tratábase dunha proba de categoría G-1 que repartía puntos para o ránking mundial, contando coa participación de 1.300 deportistas na modalidade de combate.
En categoría senior dúas foron as medallas pontevedresas, ambas as na mesma categoría de -67 quilos grazas a Lúa Piñeiro (Natural Sport) e Katya Calvar (Mat's de Marín), prata e bronce respectivamente.
Katya enfrontouse inicialmente á rusa Darya Ishchenko (5-1), para posteriormente competir coa galega Ainhoa Ramos, á que superou, e á outra pontevedresa, a caldense Lúa Piñeiro, coa que perdeu no punto de ouro tras unapretado combate que terminou con empate (1-1).
Lúa, que antes gañara á alemá Tamara Gakovic e a Bodine Schoenmakers, cedeu na final ante a cabeza de serie número uno, Anastasya Baryshnikova por un tenteo de 6-2.
A terceira medalla foi para Uxía Ogea (Mace Sport) en categoría junior. A deportista pontevedresa colgouse o ouro en -55 quilos tras vencer á representante francesa por 11-6 e avanzar á final polo abandono da representante alemá. Xa no combate definitivo Uxía impúxose cun K.O. de 'dollyo' a outra das deportistas alemás.
Relacionadas:
-
Lúa Piñeiro despídese coa cabeza alta da final do Grand Prix
Por Redacción |
-
Amplo despregamento do taekwondo pontevedrés nos campionatos de España sub-21 e cadete
Por Redacción |
-
A base do taekwondo pontevedrés brilla no Open de España
Por Redacción |
-
O futuro do taekwondo pontevedrés cítase no Municipal
Por José Alberto Graña Pérez |
-
Destacada actuación do taekwondo pontevedrés no Open de Holanda
Por Redacción |
-
Medallas para Katya Calvar, Jessica Blanco, Iván García e Lúa Piñeiro no Nacional de Taekwondo
Por Redacción |