O Peixe Galego cítase coa historia
Por Diego Espiño
Todo Marín ten o Venres Santo unha cita coa historia. Depués dunha tempada de ilusión, o Peixe Galego atópase a un só paso de lograr o ascenso á liga LEB Ouro.
As contas son sinxelas, se os de Javi Llorente gañan este venres na Raña (20:00 horas) ao Aceitunas Fragatas Morón, asegurarán o ascenso matemático á segunda categoría do baloncesto nacional, algo impensable a principio de liga.
Non depende de terceiros o Peixe Galego, só do efecto que ten no equipo xogar ante o seu público nun pavillón da Raña que apunta a cheo absoluto.
Non será con todo un camiño de rosas para os de Marín, que encadean xa dez triunfos consecutivos. O seu rival, o CB Morón, chega á cita nun bo momento de forma e pelexando por conseguir o factor cancha na primeira eliminatoria do play-off, despois de cinco xornadas gañando.
A principal dúbida para Javi Llorente será o estado de Gabe Rogers. O equipo repúxose nas últimas semanas á ausencia do seu máximo expoñente ofensivo, pero nesta ocasión a pesar das molestias físicas que arrastra estará dispoñible para o técnico 'peixe'.
Relacionadas:
-
O día que o Peixe bañou en ouro a Marín
Por Manu Otero |
-
Marín Peixe Galego culmina unha tempada máxica co ascenso a LEB Ouro tras derrotar a Morón (83-68)
Por Ramiro Espiño & Diego Torrado |
-
Marín Peixe Galego vence na prórroga en Granada (81-86) e queda a un triunfo do ascenso a LEB Ouro
Por Redacción |