Bo papel do Waterpolo Galaico na Gabon Kopa
Por Redacción
O Club Waterpolo Galaico Pontevedra disputou o pasado fin de semana o torneo Gabón Kopa de Biscaia, na súa vixésimo cuarta edición, cunha participación máis que meritoria para os lerezanos.
O conxunto adestrado por Javier de Saa debutou ante o Escuela Waterpolo Zaragoza, da Segunda Nacional, ao que acabou gañando nos penaltis tras rabuñar un traballado empate a 11 tantos.
No choque ante os anfitrions, o Askartza Leioa, de Primeira Nacional, o Galaico xogou sen complexos pero rematou sucumbindo por 11 a 6.
A viaxe dos pontevedreses foi aproveitada para xogar un terceiro partido amigable, fóra do torneo, que acabou con derrota por 8 a 4 ante o Leioa Ask.