O Peixe Galego confirma que será de LEB Ouro ao reunir o aval e pagar a inscrición
Por Redacción
Marín poderá gozar da LEB Ouro. Así o confirmou o Peixe Galego a través dun comunicado, no que sinala que reuniu o aval (180.000 euros) e pagará a inscrición (36.000 euros) para participar na segunda categoría do baloncesto nacional, dereito que gañou na cancha cun histórico ascenso.
Con todo é a directiva a que decidiu asumir riscos ao "solicitar coas garantías persoais dos que a compoñen o aval para presentar e cos recursos do club pagar a inscrición", tendo en conta que aínda non conseguiron reunir todos os apoios necesarios.
Unha forte aposta que esperan ver referendada, recuperando ese diñeiro, coas campañas postas en marcha para a obtención de recursos económicos, é dicir, a campaña de abonados, a de socios e a de establecementos protectores.
"Sabemos que os afeccionados traballarán este verán ata setembro para que estas campañas poidan cubrir os custos dunha liga tan atractiva e esixente", sinalan desde o club marinense.
Tras destacar a posibilidade dun acordo de vinculación co Obradoiro, que evitaría ter que depositar o aval, o Peixe Galego decidiuse por esta vía "ante a gran demanda de clubs que, aínda sen dereitos deportivos, queren cubrir unha das 16 prazas" de LEB Ouro.
Relacionadas:
-
Arxil e Peixe Galego cumpren o trámite e inscríbense en LF2 e LEB Ouro
Por Redacción |
-
Axuda municipal para o reto de 'Ouro' do Peixe Galego
Por Redacción |
-
Manu Ferreiro, primeira renovación 'peixe' para o seu debut en LEB Ouro
Por Redacción |
-
Javonte Green, MVP da tempada na LEB Prata
Por Redacción |
-
Un convenio a tres anos para converter Marín no centro do baloncesto galego
Por Diego Espiño |
-
Javi Llorente seguirá como adestrador 'peixe' unha tempada máis
Por Redacción |