Impulsan unha nova carreira popular pola Illa de Tambo
Por Redacción
O vindeiro domingo 7 de agosto a Illa de Tambo vivirá unha xornada especial, destinada a dar a coñecer este particular enclave situado no medio da ría, aínda propiedade do Ministerio de Defensa.
Dentro das actividades que prepara a Asociación Veciñal, Cultural e Recreativa Combarro, co título 'Tambo, un mar de historias', escóndese unha sorpresa deportiva, a creación dunha carreira popular.
A I Carreira Popular Illa de Tambo percorrerá 5.000 metros a través dunha pista perimetral da illa, con saída ás 13:00 horas.
Poderán participar nesta particular cita 150 deportistas, maiores de 18 anos, cun custo de 10 euros para o billete de ida e volta en barco.
As persoas interesadas en anotarse poden facelo ata o próximo 28 de xullo a través do correo electrónico avcrcombarro@gmail.com.