Remontada do Peixe Galego para impoñerse ao Cáceres (77-68)
Por Redacción
Despois de seis derrotas, as dúas últimas axustadas, Peixe Galego recuperou o camiño do triunfo, conseguindo a súa terceira vitoria da tempada á conta dun Cáceres que chegaba á pista da Raña despois de sumar tres triunfos no seu últimos catro partidos, o último deles nada menos que contra Leyma Coruña. A excelente defensa realizada polos de Javi Llorente foi clave para un resultado que se decidiu nun gran último cuarto dos marinenses.
Dous triplos de Nikola Rakocevic puxeron o 8-17 con 7 minutos xogados. Un Cáceres Patrimonio da Humanidade excelente nos primeiros minutos marcaba o terreo nun partido que se antollaba desde a previa moi igualado. Os de Ñete Bohigas viñan de gañar ao Leyma Coruña e poñer as cousas moi difíciles ao Melilla no Javier Imbroda. Un equipo en dinámica ascendente que controlaba o partido desde os primeiros minutos ante un 'novato' na competición. Pero o Marín Peixegalego non baixou os brazos tan rapidamente. As seis derrotas consecutivas non pesaron demasiado e os galegos encomendáronse á súa parella Derksen-Cain que tan bo rendemento están a ofrecer para ir remontando aos poucos cara á vitoria.
Ao descanso chegouse con 34-40 e cos estremeños dominando tanto o marcador como o xogo na pista. Unha canastra de Cain na última posesión do terceiro cuarto puxo o 56-58 e a sensación de que os locais se atopaban máis preto do que pensaban de loitar pola vitoria.
No último cuarto a solución non estaba no ataque galego senón en apertar atrás para pasar do 69-65 ao resultado final, deixando ao seu rival en tan só 3 puntos no últimos catro minutos de xogo. Jason Cain foi o xogador máis valorado con 18 puntos e 7 rebotes polas filas locais mentres que Luís Parejo terminou con 14+4 para unha valoración de 19.
Consulta aquí as estatísticas do partido.
Relacionadas:
-
Contra todo pronóstico, o Peixe vence a un dos rivais máis duros, o Navarra (81-69)
Por Sofía Lorenzo & Diego Torrado |
-
O Peixegalego xa non é invencible e cae ante o Aquimisa (74-75)
Por Sofía Lorenzo |
-
A semana máis complicada para o Peixe Galego
Por Redacción |
-
O Peixe Galego, sen opción en Palencia (94-61)
Por Redacción |
-
O Peixe Galego, un equipo MVP
Por Redacción |
-
Outra derrota axustada para un combativo Peixe Galego en Burgos (69-67)
Por Redacción |
-
Dolorosa derrota do Peixe Galego nun apertado final ante o Calzados Robusta (81-83)
Por Redacción |
-
Partido clave a golpe de martes para o Peixe Galego
Por Redacción |