Nova data para a BTTroita, que terá continuidade cunha cuarta edición
Por Redacción
Ponte Caldelas apostará por cuarto ano consecutivo polo ciclismo de montaña coa IV Ruta BTTroita, ruta popular enmarcada dentro dos actos da Festa da Troita.
A principal novidade nesta ocasión será a súa data, que se atrasa dos días habituais a mediados do mes de maio e pasa a celebrarse o domingo 4 de xuño, segundo o acordado pola empresa organizadora, Global DxT, e o alcalde de Ponte Caldelas, Andrés Díaz, na primeira das reunións preparatorias do evento.
A BTTroita espera reunir a preto de medio milleiro de deportistas afeccionados para gozar dunha ruta que contará con dúas opcións de percorrido, de 32 e 40 quilómetros por carreiros e pistas situadas nos montes do municipio.
A Alameda de Ponte Caldelas será de novo o punto central da proba. Alí estará situada a liña de saída, a meta e o resto de servizos que a organización ofrece aos participantes.
As inscricións non abrirán ata o día 4 de abril a través da web www.globaldxt.com, no Hotel Avenida de Pontevedra e no Concello de Ponte Caldelas.
Relacionadas:
-
A BTTroita enche Ponte Caldelas dun gran ambiente ciclista
Por Redacción |
-
A Ruta BTTroita convoca máis de 300 ciclistas para a súa cuarta edición
Por Redacción |
-
Comeza a exposición dos traballos finalistas do concurso de carteis e fotografías da Festa da Troita
Por Redacción |
-
A xira promocional da Festa da Troita polas parroquias contará con 25 paradas
Por Redacción |
-
A troita volverá ir de xira por todas as parroquias de Ponte Caldelas
Por Redacción |
-
A BTTroita desafía á choiva na súa terceira edición
Por Redacción |