Recoñecemento municipal ao Teucro porque "é importante para Pontevedra ter un equipo en Asobal"
Por Diego Espiño
A da Sociedad Deportiva Teucro "foi unha tempada espectacular da que nos sentimos orgullosos todos os pontevedreses". Así arrincou o alcalde de Pontevedra, Miguel Anxo Fernández Lores, a recepción oficial ofrecida polo Concello aos flamantes campións da División de Honra Prata de balonmán tras o seu ascenso á máxima categoría nacional.
Os portavoces dos diferentes grupos que compoñen a corporación municipal, co rexedor á cabeza, recibiron o plantel teucrista nun sinxelo acto celebrado na Casa das Campás, á que tamén acudiu a directiva e o corpo técnico.
O capitán do equipo, Carlos García, entregou a Lores unha bufanda do Teucro asinada por todos os seus compañeiros antes dunha recepción na que o alcalde asegurou que "é importante para Pontevedra ter un equipo en Asobal".
Acompañaron a Miguel Anxo Fernández Lores a concelleira de Deportes, Anxos Riveiro, e os portavoces Tomás Abeigón (Partido Popular), Agustín Fernández (Partido Socialista), Luís Rei (Marea Pontevedra) e María Rey (Cidadáns).
Tamén tomou a palabra o presidente do Teucro, Carlos García-Alén, agradecendo o apoio recibido pero pedindo de paso unha maior implicación de institucións públicas e empresas privadas xa que a día de hoxe "non temos os recursos suficientes para Asobal".
O dirixente azul sinalou ademais que o obxectivo para a próxima campaña será aumentar a cifra de abonados para achegase á barreira dos 2.000, incrementando considerablemente os datos desta tempada, na que case 1.200 persoas retiraron o seu carné de socio.
Relacionadas:
-
Saúl Campo, primeira baixa confirmada no Teucro para o regreso a la Liga Asobal
Por Diego Espiño |
-
A Deputación ofrece o seu apoio ao Teucro tras o ascenso a Asobal
Por Diego Espiño |
-
A festa dos campións queda rubricada con triunfo do Teucro sobre Handbol Bordils (26-20)
Por Ramiro Espiño & Alba Sotelo |
-
Último esforzo da tempada para Teucro e Cisne
Por Redacción |
-
Así será a festa que prepara o Teucro no Municipal para celebrar o seu ascenso a Asobal
Por Diego Espiño |
-
Johnny Medina pasa revista en Barcelona tras a súa operación de xeonllo
Por Redacción |
-
O Teucro rubrica título en Palma del Río (27-27) nun partido tolo
Por Redacción |
-
Asobal e Teucro reencóntranse!
Por Ramiro Espiño & Diego Torrado |