Daniel Tolmos reforza a primeira liña do Cisne
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Creada e actualizada
Creada e actualizada
O Club Cisne Balonmán confirmou a súa terceira fichaxe, co que avanza na planificación da que será tamén a súa terceira tempada consecutiva na División de Honra Prata.
O reforzo en cuestión é Daniel Tolmos, xogador zaragozano de 24 anos que pode actuar en diferentes posicións da primeira liña, en especial nos postos de central e lateral esquerdo.
Tolmos chega a Pontevedra procedente do Balonmano Alcobendas, e conta con experiencia na máxima categoría nas filas do Naturhouse La Rioja e o Ciudad Encantada.
Con 1,89 metros de envergadura e un potente lanzamento exterior "caracterízase por ser un xogador moi versátil", aseguran desde o club pontevedrés.
O Cisne ademais fíxose cos servizos do xoven pivote silledense Daniel Ramos, que a última campaña militou no Fútbol Club Barcelona. O xogador, que pechou o ano con problemas físicos por mor dunha hernia discal, será presentado oficialmente este xoves.