Éxito para o Galaico Sincro, subcampión do España alevín
Por Redacción
Con moito traballo, paciencia e ilusión a natación sincronizada galega, e pontevedresa en particular, segue dando pasos para elevar o seu nivel, como demostrou no Campionato de España de Sincro Alevín Promoción de Verán celebrado no municipio catalán de Granollers.
O Club Galaico Sincro derrubou unha barreira para lograr o subcampionato nacional na clasificación por equipos, ao terminar no segundo posto só superado polo Club Mediterránea, e por diante doutros 31 clubs.
A nivel individual e de parellas o club pontevedrés sumou tres medallas. En figuras Sara Villanueva foi prata e Andrea Pazos levou o bronce. Ademais ambas as nadadras repetiron presenza no podio cun bronce no dúo.
Polo Club Galaico Sincro competiron: Blanca Castro, Lorena Piñeiro, Antía Riveiro, Daniela Suárez, Sara Villanueva, Iria Costal, Candela del Campo, Mercedes Domínguez, Nayeli Faro, Inés Guijarro, Lucía Logroño, María Maquieira e Andrea Pazos.
En todo caso o Galaico non foi o único club da cidade de Lérez na competición de Granollers, xa que alí estaba tamén o Club Natación Sincronizada Pontevedra realizando á súa vez un notable papel finalizando no posto 18 na clasificación por equipos.
Relacionadas:
-
A sincronizada galega ten unha cita en Pontemuíños
Por Diego Espiño |
-
RADIO.- O Galaico Sincro recolle a luva da unificación na natación sincronizada de Pontevedra
Por Marisa Ciordia |
-
A piscina olímpica contáxiase da paixón pola natación sincronizada
Por Redacción & Diego Torrado |
-
Arte 'sincronizada' na piscina olímpica
Por Redacción & Diego Torrado |
-
RADIO.- Dedicación + esforzo + disciplina = Club Galaico de natación sincronizada
Por Marisa Ciordia |
-
Medalla nacional para o Galaico Sincro en Barcelona
Por Redacción |