Carmen Gómez Cortés, prata no campionato de España de acuatlón
Por Redacción
A pontevedresa Carmen Gómez Cortés segue a demostrar que é unha das grandes promesas do tríatlon español. De novo, volveu subir ao podio nunha proba nacional. Logrou colgar a medalla de prata do campionato de España de acuatlón, que se disputou este domingo na localidade catalá de Banyoles.
Na categoría feminina, o triunfo foi para Joselyn Brea, deportista venezolana afincada en Pontevedra, que fixo unha moi boa natación, para confirmar o seu triunfo na carreira a pé. Brea gañou a proba cun tempo de 32:40, mentres que Sara Bonilla logrou o título de campioa de España (33:18).
Carmen Gómez, nunha magnífica proba, logrou a prata no campionato de España elite (34:02) e o título na categoría sub 23.
Levaba case dous meses sen poder adestrar por culpa dunha sobrecarga no sóleo e no xemelgo, que non se termina de curar. Así que a galega enfrontaba a proba máis coma un adestramento, pero as sensacións foron moi boas dende o inicio, e iso a pesar de que tivo que saír pola peor zona e nadar algúns metros extra.
Rematou a natación segunda, pero se atascou un pouco coas zapatillas polo que comezou a correr sexta. Despois estivo cómoda na carreira, sempre por detrás de Joselyn e Bonilla. Só nos metros finais, foi superada Levkovska, para chegar cuarta e segunda no Campionato de España.
Pola súa banda, a tamén pontevedresa Henar Cons participou na proba cadete. Saíu da auga no primeiro grupo de cabeza, pero na carreira a pé perdeu varias posicións. Ao final, ocupou unha meritoria décimo sétima posición.
Relacionadas:
-
Combarro volve respirar acuatlón durante un día
Por Redacción & Diego Torrado |
-
Carmen Gómez, lonxe dos primeiros postos na Copa de Europa de Gran Canaria
Por Redacción |
-
Carmen Gómez Cortés, sen sorte na Copa de Europa de tríatlon de Wuustwezel
Por Redacción |
-
Unha Carmen Gómez tocada, a probar sorte no Europeo sub-23 de tríatlon
Por Alejandro Espiño |
-
Pablo Dapena, cuarto no Campionato de España de Tríatlon Sprint
Por Redacción |
-
Brillante debut de Carmen Gómez en distancia olímpica cun bronce na Copa de Europa
Por Diego Espiño |
-
Pelexado vixésimo primeiro posto de Carmen Gómez no Mundial Junior de tríatlon
Por Redacción |