O Arxil ponse en marcha co xusto
Por Redacción
Con varias ausencias pero o Club Baloncesto Arxil xa se puxo en marcha para preparar unha nova tempada na Liga Feminina 2 de Baloncesto.
A gran novidade no primeiro día de traballo das verdes foi a da alero Chantel Charles, recentemente chegada á cidade de Lérez e que se puxo ás ordes de Mayte Méndez no Centro Galego de Tecnificación Deportiva.
A xogadora británica, que procede do Batalyaws de Badaxoz e anteriormente xogara na liga universitaria feminina de Estados Unidos, é unha das fichaxes de peso do club pontevedrés. A outra, a pívot colombiana Tatiana Mosquera, foi unha das ausencias destacadas debido a problemas burocráticos.
A deste mércores foi unha primeira toma de contacto entre o corpo técnico e o plantel, que conta polo momento coas baixas por lesión de María González Centeno e Ana Martín.
O primeiro dos partidos amigable confirmados polo Arxil terá lugar o martes 12 de setembro (20:30 horas) ante o Celta no pavillón do CGTD.
Relacionadas:
-
O Arxil seguirá co xusto ata o inicio de liga
Por Diego Espiño |
-
Derrota do Arxil ante o Celta na Copa Galicia (70-77)
Por Redacción |
-
O Arxil, á espera de Tatiana Mosquera
Por Redacción |
-
Problemas de espazo condicionan o uso do CGTD por parte de Cisne, Arxil e Voleibol Pontevedra
Por Diego Espiño |
-
Pretempada definida no Club Baloncesto Arxil
Por Redacción |
-
Noa Casalderrey, outra xogadora da casa para o primeiro equipo do Arxil
Por Redacción |
-
O Arxil ata a continuidade de Aldara Vázquez por unha tempada máis
Por Redacción |