O que funciona non se cambia. Chega o XXII Medio Maratón de Pontevedra
Por Diego Espiño
É unha proba consolidada no calendario deportivo na cidade. O seu percorrido e organización funciona, por iso o mellor é non cambialo.
Con esa máxima celebrarase o vindeiro domingo 22 de outubro a XXII edición do Medio Maratón de Pontevedra, proba que pon o peche ao V Circuíto de Carreiras Populares.
Pechada a inscrición, serán finalmente 1.393 os deportistas que participarán no evento, dos que "o 82% son atletas populares", sinalou o presidente da Sociedad Gimnástica, Ramón Touza.
Desde as 11:00 horas, con saída na ponte dos Tirantes, os participantes afrontarán 21.097 metros de percorrido con dúas voltas a un circuíto urbano que non cambia con respecto á pasada edición e que finalizará na pista de atletismo do Centro Galego de Tecnificación Deportiva.
Os dorsais poderán recollerse a partir do venres, de 17:00 a 20:30 horas, no Pavillón Universitario. O sábado o horario habilitado será de 10:30 a 13:30 horas e de 17:00 a 20:30 horas, mentres o domingo os deportistas de fóra da comarca poderán retirar o seu dorsal de 8:30 a 10:00 horas.
A nivel federado, Akka Essaadaoui, Elías Dimínguez, Bastos Dasilva ou Leticia Fernández atópanse entre os favoritos ao triunfo final, segundo avanzou Touza.
A proba será decisiva ademais na clasificación final do Circuíto de Carreiras Populares, ao contar con puntuación dobre.
Relacionadas:
-
O sol acompaña e Pontevedra goza co seu medio maratón
Por Diego Espiño & Diego Torrado |
-
Restricións de tráfico e estacionamento pola celebración do Medio Maratón de Pontevedra
Por Redacción |
-
O Medio Maratón de Pontevedra supera o milleiro de inscritos e camiña cara a un novo éxito de participación
Por Redacción |
-
O XXII Medio Maratón de Pontevedra abre inscricións e aposta pola continuidade
Por Redacción |