Antiviolencia propón sancionar un afeccionado por ensinar unha bandeira independentista galega en Pasarón
Por Diego Espiño
Ensinar unha bandeira independentista galega no Estadio Municipal de Pasarón pode supoñer sanción para un afeccionado pontevedrés.
A Comisión Permanente da Comisión Estatal contra a Violencia, o Racismo, a Xenofobia e a Intolerancia no Deporte acordou na súa reunión do día 22 de febreiro reprobar a conduta dun siareiro que despregou unha bandeira galega coa estrela independentista no choque ante o Racing de Ferrol "creando entre os seguidores do equipo contrario unha gran axitación e alteración".
Por ese motivo propuxo para el unha sanción económica de carácter leve de 500 euros e a prohibición de acceder a un recinto deportivo durante 3 meses.
Ademais Antiviolencia tamén recolle na súa resolución outra proposta de sanción correspondente ao duelo entre pontevedreses e ferroláns do pasado día 18 de febreiro, en concreto en relación aos incidentes previos ao encontro que obrigaron a intervir aos corpos de seguridade do Estado.
Neste caso proponse unha multa de 2.000 euros e a prohibición de acceso a un recinto deportivo durante 6 meses a un afeccionado que "arroxou unha botella de cristal de cervexa cara aos axentes de Policía nos arredores do estadio".
Relacionadas:
-
O BNG leva ao Parlamento a requisa de bandeiras nacionalistas galegas en Pasarón
Por Redacción |
-
A Secretaría Xeral para o Deporte crea unha comisión para controlar a violencia en eventos deportivos
Por Redacción |
-
Bará racha dúas fotos do Rei no Parlamento: "Romper este retrato é ABC de democracia"
Por Natalia Puga |
-
Quenda para a Copa Federación, pero dando prioridade á liga
Por Diego Espiño |
-
O Rayo Majadahonda castiga a fraxilidade dun Pontevedra esvaecido (0-3)
Por Diego Espiño & Diego Torrado |
-
O segundo mellor visitante da liga ameaza un Pontevedra que non pode fallar na casa
Por Diego Espiño |
-
O partido de liga entre Coruxo e Pontevedra adiántase ao sábado 10 de marzo
Por Diego Espiño |
-
Luismi confía en poder contar con todo o plantel para recibir o Rayo Majadahonda
Por Diego Espiño |
-
Un penalti inexistente afunde o Pontevedra e abre o camiño do triunfo ao Real Madrid Castilla (3-0)
Por Redacción |
-
Goleada reparadora para o Pontevedra ante un deprimido Racing de Ferrol (3-0)
Por Diego Espiño & Diego Torrado |
-
Tensión entre seguidores do Racing de Ferrol e do Pontevedra na Praza da Verdura
Por Diego Torrado & Redacción |