Cisne e Teucro entran en acción na Copa Galicia de balonmán
Por Redacción
A pretempada ponse seria para a Sociedad Deportiva Teucro e o Club Cisne Balonmán, que se incorporan á competición da Copa Galicia na súa terceira rolda.
O torneo autonómico chega aos cuartos de final e aí entran os equipos, como é o caso dos pontevedreses, da Liga Asobal e a División de Honra Prata.
No caso do Teucro, que este martes ten fixado un amigable na localidade portuguesa de Braga e o día 25 visitará en León o Ademar, a Copa fará que esta se converta nunha semana en grao sumo esixente. Os azuis enfrontaranse este xoves ao Chapela a domicilio (21:00 horas), despois de que o conxunto redondelano vencese en segunda rolda ante A Cañiza (23-28).
Pola súa banda o Cisne, que vén de asinar un terceiro posto no Torneo do Rosal, terá como rival o BM Lalín tras derrotar este a o OAR Coruña (21-31). O encontro disputarase no Lalín Area antes do día 26 de agosto.
Os outros dous encontros de cuartos de final de Copa Galicia disputaranos BM Lavadores e Cangas por unha banda e Calvo Xiria e Atlético Novás pola outra.
Relacionadas:
-
Embutidos Lalinense apea ao Cisne da Copa Galicia nos penaltis (32-32)
Por Redacción |
-
A fase final da Copa Galicia espera o Teucro tras a súa vitoria en Chapela
Por Redacción |
-
O Teucro vence á calor e o ABC Braga para sumar un novo triunfo en pretempada (31-34)
Por Redacción |
-
O Teucro vence o ABC Braga e segue progresando
Por Redacción |
-
Luís Montes, satisfeito coa adaptación dos recentemente chegados
Por Redacción |
-
O Cisne ponse en marcha con 15 xogadores e a "misma ilusión de siempre"
Por Diego Espiño & Mónica Patxot |