O Teucro vence á calor e o ABC Braga para sumar un novo triunfo en pretempada (31-34)
Por Redacción
Segue invicto en pretempada o Teucro, antes de iniciar a súa fase máis esixente coa Copa Galicia e o amigable previsto para o próximo día 25 en León ante o Ademar.
O conxunto azul devolveu visita ao ABC Braga portugués, que xogara en Pontevedra o pasado sábado, e fíxoo nun partido coa calor como gran protagonista, polas altas temperaturas ás que tiveron que facer fronte os xogadores no interior do pavillón.
Os de Luís Montes impuxéronse por 31 a 34 nun encontro que tiveron na súa man con comodidade pero que se complicou nos minutos finais pola intensidade do cadro luso, que propiciou ata seis exclusións teucristas no segundo tempo e apertou o marcador.
Antes o Teucro queda coa "parte positiva de los 40 primeros minutos", recoñeceu o técnico, que lles fixo chegar a poñerse "ocho arriba trabajando bien a nivel defensivo tanto en 6-0 como en 5-1". Despois chegaría a reacción local unida a unha pequena baixada de rendemento pontevedrés que fixo que o ABC Braga se colocase a un tanto, pero os azuis souberon aguantar o tirón para levar o triunfo final.
Tras esta cita, o próximo compromiso estival será o debut en Copa Galicia, cun partido de cuartos de final da competición que se disputará o vindeiro xoves 23 en Chapela.
Relacionadas:
-
Davor Cutura ve no Teucro "mucho potencial y un proyecto que a mí me ilusiona"
Por Diego Espiño |
-
Ademar León impón a súa superioridade ante un digno Teucro (36-25)
Por Redacción |
-
Fischer, Cangiani e Suárez detectan boas sensacións na pretempada do Teucro
Por Redacción |
-
A fase final da Copa Galicia espera o Teucro tras a súa vitoria en Chapela
Por Redacción |
-
Cisne e Teucro entran en acción na Copa Galicia de balonmán
Por Redacción |
-
O Teucro vence o ABC Braga e segue progresando
Por Redacción |
-
Luís Montes, satisfeito coa adaptación dos recentemente chegados
Por Redacción |