O recentemente ascendido Mataró, primeiro exame ligueiro para o Arxil na Liga Feminina 2
Por Redacción
Acabaron as probas para o Club Baloncesto Arxil, que este domingo (12:30 horas) inicia unha nova tempada na Liga Feminina 2 no Centro Galego de Tecnificación Deportiva.
Para a estrea as verdes reciben a un recentemente ascendido, o Mataró Parc Boet catalán, que será unha boa proba para comprobar o nivel do equipo.
O Arxil debuta con precaucións ante o, a priori, aumento de nivel da categoría, con equipos que se reforzaron de maneira importante durante o verán. Desta forma as de Mayte Méndez pensan no partido a partido para ver onde lles coloca a competición.
A pesar diso desde o club falan da idea de "manterse o máis arriba posible na táboa, sen perder de vista a posibilidade de disputar de novo un play-off de ascenso".
A pívot Janea Williams, a ala-pívot Sierra Clark e a aleiro Gala Mestres son as fichaxes das pontevedresas para esta tempada, xogadoras que están chamadas a levar o peso do equipo xunto a Arantxa Mallou, Carla Fernández e María Lago, acompañando a xogadoras novas e de casa que deron un paso á fronte desde o equipo filial e o júnior.
Relacionadas:
-
O Arxil non logra impoñerse ao recentemente ascendido Mataró (53-64)
Por Sofía Lorenzo & Diego Torrado |
-
O Arxil despídese da Copa Galicia cunha nova derrota, esta vez ante Maristas
Por Redacción |
-
O Arxil progresa pero queda fóra da Copa Galicia ao perder ante o Cortegada (69-68)
Por Redacción |
-
O plantel do Arxil pasa recoñecemento médico no Hospital QuirónSalud Miguel Domínguez
Por Redacción |