Intratable o Cortegada, que case dobra o Arxil no marcador final (88-52)
Por Redacción & Diego Torrado
Unha vez máis, as mulleres de Mayte Méndez caeron no derbi ante o Cortegada. Desta forma, as pontevedresas suman xa tres derrotas nas tres xornadas de liga, o que as mantén na parte baixa da clasificación ata que non consigan cambiar a súa sorte.
Durante todo o partido o control foi das arousanas, que se mantiveron sempre por diante no marcador. De novo, ás arxilistas custoulles meterse no xogo e, o máis importante, manterse para optar a recortar distancias co Cortegada. O primeiro parcial levouno este último por unha diferenza de 10 puntos (24-14).
Tras o pequeno descanso, máis do mesmo, só que ás pontevedresas aínda lles custou máis chegar ao aro, conseguindo sumar só 9 puntos, fronte aos 22 locais. Isto foi consecuencia de importantes erros nas accións ofensivas das de Méndez, ademais de non formar un bo bloque defensivo. Ofrecéndolles a facilidade ás do Cortegada de liderar o marcador. Desta forma, os equipos fóronse ao descanso cun 46-23. A anfitrioas xa dobraban ás verdes.
O paso polos vestiarios non ocasionou gran cambio. Parecía que as do Arxil estaban un pouco máis centradas na pista e conseguiron igualar en certo xeito ás líderes do encontro, pero sen lograr reflectilo no resultado final antes do comezo do cuarto definitivo (67-40). O partido xa estaba decidido.
Máis do mesmo durante os últimos 10 minutos. Notábase o cansazo das pontevedresas, que non acertaron máis que 12 puntos, fronte aos 21 dos seus rivais. As locais mantivéronse durante todo o encontro xa non só por encima no marcador, senón case dobrando os puntos arxilistas.
Finalmente, as pontevedresas terminaron unha xornada máis nin coñecer a vitoria, nesta ocasión no esperado derbi (88-52).
Relacionadas:
-
O Arxil queda a un paso da vitoria ante o Barça CBS (69-79)
Por Sofía Lorenzo |
-
O Arxil dorme tras o descanso e cae ante o Aros de León (76-50)
Por Sofía Lorenzo |
-
O Arxil, ante os seus peores números dos últimos anos
Por Diego Espiño |
-
Aínda tentándoo, o Arxil non logra impoñerse ante o Ibaizábal (54-72)
Por Redacción |
-
O Arxil busca a súa primeira vitoria na visita do Ibaizábal ao CGTD
Por Redacción |
-
O Arxil cae no terceiro parcial ante o Celta Zorka (66-52)
Por Sofía Lorenzo |
-
O Arxil non logra impoñerse ao recentemente ascendido Mataró (53-64)
Por Sofía Lorenzo & Diego Torrado |