Partido de altos voos para o Poio Pescamar ante o líder Burela
Por Redacción
Máis que tres puntos poñeranse en xogo este sábado (18:30 horas) no Pavillón Municipal da Seca para un Poio Pescamar que busca reivindicarse e esquecer a derrota sufrida ante o Jimbee Roldán.
As vermellas reciben a visita do líder e invicto Burela, primeiro clasificado con 21 puntos nas sete xornadas disputadas. Sétimo é o Poio con 12 puntos, pero con dous partidos menos.
O equipo adestrado por Dani Díaz quere dar un golpe encima da mesa e confirmarse como aspirante aos postos de honra da clasificación. Unha oportunidade que se brinda ante un cadro lucense deseñado para pelexar polo título.
A falta de que se concrete a chegada do reforzo brasileiro co que a directiva pretende apuntalar ao equipo tras a lesión de Antía Pérez, o técnico botará man do resto do plantel conserveiro.
Xogadoras do primeiro equipo e membros do corpo técnico repartiron nas últimas horas invitacións nos centros educativos coa intención de lograr que as bancadas da Seca luzan o ambiente das grandes citas.
O encontro será retransmitido en directo pola segunda canle da Televisión de Galicia.
Relacionadas:
-
Un Poio Pescamar atascado na segunda parte non logra plantarlle cara ao Roldán (3-1)
Por Redacción |
-
Antía Pérez, futbolista do Poio Pescamar, operada con éxito da súa lesión no xeonllo
Por Diego Espiño |
-
O Poio Pescamar suma a súa cuarta vitoria consecutiva ante o Guadalcacín (3-0)
Por Sofía Lorenzo & Diego Torrado | Creada e actualizada