O futuro da loita olímpica nacional pasa polo CGTD
Por Redacción
Un grupo de 70 deportistas traballan estes días no Centro Galego de Tecnificación Deportiva dentro da concentración dos equipos nacionais de loitas olímpicas en categoría escolar e cadete.
En concreto están presentes representantes de loita libre olímpica, loita feminina e grecorromana en idade escolar e de libre olímpica e loita feminina en categoría cadete.
Xunto aos equipos nacionais exercítanse ademais os 15 bolseiros do CGTD, con adestramentos a cargo de diferentes seleccionadores nacionais, que este venres foron recibidos no Concello de Pontevedra.
Precisamente o Europeo Júnior que se celebrará en Pontevedra en 2019 está moi presente na concentración, xa que non son poucos os deportistas que tentarán clasificarse para a competición o próximo ano.
"Tentamos atraer estas concentracións a Galicia para que os deportistas galegos poidan incrementar o seu nivel", recoñeceu o responsable da actividade e representante da Federación Galega, Pablo Pintos, no que supón un paso máis para situar o centro de tecnificación pontevedrés como un dos puntos clave a nivel nacional no desenvolvemento deste deporte olímpico.
A concentración dos equipos nacionais de loitas olímpicas iniciouse o pasado mércores 21 de novembro e finalizará este sábado día 24.
Relacionadas:
-
Unha concentración nacional para consolidar o CGTD como centro de referencia na loita olímpica
Por Redacción |
-
Lydia Pérez, ouro nacional e rumbo ao Europeo Sub-23
Por Diego Espiño |
-
O Club de Loita Pontevedra pon as súas miras no Nacional Absoluto
Por Redacción |
-
Lydia Pérez despídese do Mundial Sub-23 de loita na fase de clasificación
Por Redacción |
-
Medio milleiro de deportistas de 35 países estarán no Europeo junior de Loitas Olímpicas
Por Alejandro Espiño |