O Club Atletismo Rías Baixas estrea tempada con ilusións renovadas
Por Redacción
Ten apenas un ano de vida, pero o Club Atletismo Rías Baixas segue a dar pasos para consolidarse dentro do panorama deportivo local e autonómico.
O xoven equipo pontevedrés deu por iniciada a que supón a súa segunda tempada con ilusións renovadas.
A Praza da Verdura foi o lugar escollido pola formación para realizar un acto de presentación ao que acudiron os atletas que o representarán este ano nas diferentes categorías.
Todo un proxecto de futuro que aspira a seguir crecendo nos próximos anos.